ARABELLA
KINAGABIHAN ay maagang natulog sina Lolo Magno at Lola Iska. Pumasok na rin kami ni Gov. Gabriel sa kaniya-kaniya naming silid. Sobrang lamig kasi ng panahon. Parang uulan na naman.
Matutulog na rin sana ako nang maalala ko ang gamot ni Gov. na binili namin kanina sa bayan. Hindi pa pala siya nakakainom niyon kasi naubos na ang stock niya sa kuwarto niya.
Lumabas muna ako sandali para ihatid sa kaniya ang gamot at para mapainom na rin siya. Pero nang nasa labas na ako ng pinto ay bigla na lang akong kinabahan. Naalala ko na naman ang nangyari sa amin kagabi sa hotel. Paano kung maulit iyon kapag pumasok ako sa kuwarto niya? Lalo at boyfriend ko na siya. Siguradong hihirit siya. At dahil mahal ko kaya sure din na hindi na naman ako makakatanggi.
Ngayon ka pa ba natatakot? Akal
