ARABELLA
“CONGRATULATIONS!”
“Iyon lang?” reklamo ko kay Sir Luigi pagkatapos kong sabihin sa kaniya ang balak ni Gov. Gabriel na pakasalan ako sa oras na bumalik kami ng Laguna. “Wala kang violent reaction?” kunot ang noo na dagdag ko pa.
Nandito sila ngayon para pag-usapan ng mag-lolo ang pagpapagamot ng nobyo ko. Katulad ng hiniling niya sa akin kagabi, umagang umaga pa lang ay tinawagan ko agad si Lolo Emman para ipaalam ang desisyon ng kaniyang apo. And lunch time lang ay dumating na agad sila. Kasama si Sir Luigi. Gano’n sila kasaya at ka-excite sa ibinalita ko. Nandito rin sila para sunduin na kami. Gusto kasi ni Gov. na sa Laguna magpagamot at tuwang-tuwa naman ang lolo niya.
“At bakit naman ako magre-react nang gano’n?” natatawang sagot ng amo ko. Palibhasa parang magkaibigan n
