GABRIEL
EIGHT monthsary namin bukas ni Arabella. At excited ako sa sorpresa na inihanda ko para sa aking asawa. Dadalhin ko siya sa yacht na pag-aari ko at sa dagat kami mag-i-stay ng isang linggo. I know na lalo siyang matutuwa kapag nalaman niya na didiretso kami ng Unisan para dalawin sina Lolo Magno at Lola Iska.
Alam ko rin kung gaano na na-miss ni Arabella ang lolo at lola niya. Kahit ako man, miss na miss ko na rin ang dalawang ‘yon.
“Kuya Gab, nood naman tayo ng movie, please? Na-miss kong manood ng local movies, eh,” paglalambing sa akin ni Phoebe nang makapasok kami sa mall.
Dahil nga surprise, kaya siya ang isinama ko para mamili ng mga dadalhin namin ni Arabella bukas. Mas gusto ko kasi na ako ang personal na mamili ng mga babaunin namin, lalo na iyong mga iso-sorpresa ko p
