ARABELLA
NAGISING ako sa pakiramdam na tila nasa ibang kama ako. Iba kasi ang amoy na nalalanghap ng ilong ko sa unan na dinadapaan ko. Mas mabango at parang scent ng panlalaki. Dahan-dahan pa rin akong dumilat dahil inaantok pa ang pakiramdam ko nang tumihaya ako. Saglit lang na kumunot ang noo ko nang tumambad sa paningin ko ang ibang kapaligiran. Mas magara ito kumpara sa tinutuluyan kong quarter sa mansiyon ni Sir Luigi.
Nasaan nga ba ako?
Mabilis akong napabalikwas ng bangon nang maalala ko ang nangyari kagabi. Inuwi nga pala ako ni Gov. Gabriel dito sa penthouse niya. Antok na antok na rin ako pagdating namin dito kagabi kaya agad akong nakatulog nang dalhin niya ako rito sa silid. Hindi ko na nga gaanong natandaan kung paano ako nakatulog. Ang alam ko lang, nag-good night pa siy
