ARABELLA
HINDI agad ako nakahuma sa sobrang pagkagulat nang tuluyang magtagpo ang mga labi namin ni Gov. Gabriel. Naramdaman ko ang dahan-dahan na paggalaw ng kaniyang mga labi. Ang lambot-lambot ng mga ito at ang tamis-tamis. Hindi ko alam kung dahil ba first kiss ko o ito o dahil crush ko siya kaya nasarapan ako sa halip na magalit sa kapangahasan niya, at itulak siya. O dahil akala ko hindi naman magtatagal ang halik niyang ito.
Ngunit naramdaman ko pa rin ang patuloy na paggalaw ng kaniyang mga labi kahit hindi naman ako tumutugon dahil hindi ko alam kung paano. Para lang akong estatwa na napako sa kinatatayuan at nanlalaki ang mga mata. Titig na titig ako sa nakapikit na si Gov. Gabriel na para bang feel na feel ang paghalik sa akin.
Ganito ba talaga kapag humahalik ang isang lalak
