SHY's POV
Hindi ko maiwasan na mapakunot ng noo nang maramdaman ko ang pag guhit ng matapang na amoy ng alcohol sa ilong ko ngayon.
Habang tumatagal na sinisinghot ko 'yun ay lalong sumasakit 'yun sa ilong ko na naging dahilan kung bakit gusto ko na lang imulat ang mga mata ko at makalayo sa amoy na 'yon.
Ngunit, bago ko pa man magawa ang iniisip ko, bigla na lang may nagsalita, "Hija." Isang malumanay na boses ng babae ang narinig ko.
Hindi ko pa siya nakikita kasi nanatili pa rin na nakapikit ang mga mata ko pero alam kong malapit lang siya sa akin dahil masyadong malinaw at medyo malakas ang pagkakasalita niya.
"Hija." Pagtawag pa rin niya sa sa akin, nandoon pa rin 'yung amoy ng alcohol kaya tuluyan ko nang iminulat ang mga mata ko.
Noong una ay medyo malabo pa ang paningin
