Kung masamang panaginilp man ito, ang gusto ko lang gawin ay magising. Hindi ko na kaya ang manatili dito ng ilang araw, linggo, buwan o kaya naman ay taon. Ayaw kong isipin na makukulong ako sa panaginip na ito. Hindi naman ito isang panaginip. Kundi isang bangungot. Bangungot na lumalamon sa buong sistema ko—naming lahat na nandito.
Narinig kong kumatok si Kuya Iñigo sa kwarto ko. Hindi pa man ako bumabangon ay binuksan na niya ang pinto. Nakasuot pa rin siya ng suit and tie. Napansin kong nakalabas na ang bracelet niyang kulay violet.
"Bakit?" Kinusot ko ang mga mata ko. "Kakain na ba?"
'Yun ang unang pumasok sa isip ko dahil parati naman iyong ginagawa ni Kuya Iñigo bilang Butler. Nasampal ko na lang ang noo ko dahil tulad nga ng sinabi niya ay hindi talaga siya totoong butler. Ang
