Buong gabi ako hindi pinatulog ni Kuya Cyrus. Nalaman niya ang nangyari sa dati kong school ay dahil sa pinsan niyang nag-aaral doon. Nakahinga naman ako nang maluwag.
Una, dahil hindi wala siya sa mismong pinangyarihan. Pangalawa, wala akong kasalanan. Hindi ako ang nagkalat. Wala akong pinagsabihan. Wala akong ginawang masama. Malinis ang kunsensya ko.
Hanggang ngayon ay iniitinda ko pa rin ang mga pasa ko sa katawan. Naghihilom na ang mga iyon pero mayroon pa ring kirot, kaya kahit hindi pa masyadong maayos ang pakiramdam ko ay lumalabas na ako ng kwarto. Kailangan nga lang ng alalay—sa tulong ni Leon.
Pababa kami ngayon dahil pinatatawag kami ni Mister Z. May sasabihin daw itong announcement. Sabi ni Leon sa 'kin, pinakiusapan daw ni Kuya Cyrus si Mister Z na kung pwede ay 'wag na a
