Hindi ko alam kung ano ang reaksyon na ipapakita ko sa kaniya. Mabilis ko naman na naintindihan ang ibig niyang sabihin. Kung sabagay, inaasahan ko na rin naman ‘yon. Na hindi siya seryoso sa nangyari kanina. Alam ko naman talaga na imposible na may nararamdanan na agad siya sa akin. Lalo na at isang mahirap na babae lang ako. Hindi lang naman niya alam na mahirap dati si Shaicy. Mahal na niya si Shaicy noong bago pa niya malaman ang estado sa buhay ng babae na ‘yon. Pero iba ang sitwasyon ko ngayon. Alam na niya una pa lang na mahirap ako. Tapos ginagamit niya lang ako para makamit niya ang lahat ng mga gusto niya.
Hindi ko hinayaan na magmukha akong kawawa sa harap niya. Hindi rin naman ako masiyadong apektado. Halik lang naman ‘yon. Kahit na importante rin sa akin ang mga ganoong baga
