“Are you okay? Parang kanina ka pa wala sa sarili mo.”
Napabalik ako sa reyalidad nang tanungin ako ni Tiffany at naramdaman ko rin na kinulbit niya ako. “H-Huh? Oo,” sagot ko nang wala sa sarili. Napansin ko naman na natawa siya dahil sa reaksyon ko. Hindi ko naman narinig nang ayos ang kaniyang sinabi, kaya napa-oo na lang bigla ako.
“I was asking if you’re okay. Wala ka talaga sa sarili mo. May problema ka ba?”
Napakamot naman ako sa ulo ko at nahihiyang umiwas ng tingin sa kaniya. Narito siya ngayon sa unit. Tinuturuan niya ako ng mga dapat kong sabihin sa media interview namin ni Apollo. Abala na rin kasi ako simula bukas dahil may pasok na ulit. Kaya naman ay ngayon na niya ako tinuturuan kahit maggagabi na. Naalala ko pa rin kung ano ang naganap sa aming dalawa ni Apollo kanina
