Hindi ko alam kung dapat ko ba siyang sundin o ano. Tahimik na siya hanggang sa maihatid niya ako sa unit ko. Oo, hinatid niya ako hanggang sa unit ko mismo. Pero hindi naman kami nag-usap na. Mukhang nawala talaga siya sa mood noong nakita na kasama ko si Jezreel. Ano naman kaya ang nagawa sa kaniya ni Jezreel at ganoon ang kaniyang reaksyon? Gusto ko tuloy na malaman ang mga sagot sa tanong ko, pero hindi ko naman alam kung paano. Ayokong mangialam sa kung ano ang mayroon sila. Siguro ay makikisama pa rin ako kay Jezreel, pero hindi ko na lang ipapaalam kay Apollo. Hangga't wala namang ginagawa na hindi maganda sa akin si Jezreel ay walang rason para iwasan ko siya.
Nang makapagbihis na ako ay nakatanggap ako ng mensahe mula kay Tiffany. Agad ko naman na tiningnan kung ano 'yon dahil b
