Binubulabog ng isipan ko kung sino ba ang ex-girlfriend or fiancee noon ni Apollo. Ewan ko ba kung bakit naging interesado ako na alamin. Nalaman ko lang na kamukha ko raw, pero gusto ko na agad alamin ang kaniyang itsura. Halos hindi nga ako nakatulog ng ayos kagabi sa kakaisip ng tungkol doon. Hindi ko naman magawang manghingi ng litrato ng babae na ‘yon kay Tiffany. Hindi gano’n kakapal ang mukha ko. Isa pa, baka makarating pa kay Apollo na nangingialam pa rin ako sa mga personal na bagay na tungkol sa kaniya. Baka makaapekto rin ‘yon sa kontrata namin. Ayoko naman na magbayad sa kaniya, dahil wala naman akong ibabayad.
Nag-ayos na lang ako ng aking sarili. Umaga pa lang ay ayokong i-stress-in ang sarili ko. Light make-up lang muli ang inilagay ko sa aking mukha. Tapos na rin naman ak
