Naitikom ko ang aking bibig nang marinig ang isinagot niya sa akin. Sobrang seryoso niya na para bang hindi maganda ang naging tanong ko sa kaniya. Siya naman itong nangulit sa akin na tanungin siya ng kahit na ano! Tapos ganiyan ang magiging reaksyon niya. Ibig sabihin ay tama nga ang binalita ni Jezreel Lim kanina sa room namin? Sino nga ba ang ex girlfriend ng bilyonaryo na ito at kamukha ko pa raw? Hindi ko na masasabi na ginagawan lang siya ng isyu, base sa naging reaksyon niya sa tanong ko. Ah, bahala na! Bakit ba ako kuryoso, e nagkukunwari lang naman ako na kasintahan niya ngayon?
"Oh, sorry. I didn't know that it was a sensitive topic for you," sagot ko na lang. Nakaramdam din ako ng hiya. Baka isipin pa niya na interesado ako sa buhay niya at hindi ko ginagawa ng tama ang traba
