LYKA
DAHIL ayokong makita ng mga helper ang pag-iyak ko kaya hinintay ko muna sila na makaalis sa kusina at makapasok sa quarter’s maid. Saka ako nagmamadaling umakyat ng hagdan. Mabuti na lang din at abala pa ang buong pamilya Montecillo sa pag-iistima kay Margaux kaya hindi nila ako nakita kahit nasa sala lang sila. Kahit si Uncle Verex ay hindi rin ako napansin. Hanggang ngayon kasi nakalingkis pa rin sa kaniya ang babae. Parang ayaw na siyang pakawalan.
Pagdating sa second floor ay agad akong dumiretso sa aking kuwarto. Hindi muna ako pumunta kay Nanay Matilda upang ipaalam ang pagdating ko katulad ng nakagawian ko. Siguradong magtataka siya kapag nakitang umiiyak ako at malungkot. Samantalang kakasabi ko lang sa kaniya kanina na nag-e-enjoy ako sa Beach Party namin, nang nasa Batang
