LYKA
Philippines
NAGMAMADALI kong pinunasan ang aking mga luha nang marinig kong may kumatok sa labas ng pintuan ng aking kuwarto. Alam ko na kung sino iyon dahil tatlo lang naman kami ang nakatira sa lumang bahay na ito ng magulang ko. Dito kami nakatira ni Nanay Matilda bago kami dinala ni Daddy Arman sa Maynila noon. Pinaayos ko lang.
Dalawang araw na rin simula nang dumating ako galing New York. Hindi na nakasama si Fritz dahil walang papalit sa kaniya sa trabaho. Hindi kasi puwede na dalawa kami ang sabay na mag-leave tapos walang kapalit. Balak nga sana niya na mag-resign na lang para masamahan ako. Ngunit hindi ko siya pinayagan dahil ayokong madamay na naman siya sa problema ko. At saka isa pa, may mahahalaga siyang gagawin sa residency niya.
Nilunok ko muna ang tila bara sa ak
