LYKA
PILIT kong nilakasan ang aking loob na harapin si Margaux, lalo na nang makita ko na mas nag-e-enjoy siyang nakikita akong nasasaktan. Gustong-gusto ko nang hilahin ang kaniyang buhok at kaladkarin palabas ngunit nagpigil ako. Ayokong mag-eskandalo rito.
“Hindi ko alam kung ano ang pakay ng pagpapapunta mo sa’kin dito, Margaux. Pero hindi ako aalis dito hangga’t hindi ko kasama ang aking asawa,” matapang na wika ko sa kaniya.
“Hey, chill. Huwag kang masiyadong excited, okay? Hindi mo pa nga naitatanong kung ano ang ginawa namin dito at kung bakit ko suot itong T-shirt niya.”
Hindi ko mapigilan na hindi masaktan sa bawat salitang lumalabas sa kaniyang bibig. “B-bakit nga ba suot mo iyang damit ng asawa ko, Margaux? Ano ang ginawa mo sa kaniya, ha?” Sa sobrang selos na nararamdaman
