LYKA
“ANO ba ang problema mo at ang aga-aga mong mambulahaw?”
Mabilis pa sa alas kuwatro na lumipad ang aking tingin sa pinanggalingan ng boses ni Uncle bago dali-dali rin na hinila ang puting kumot sa paanan ko at ipinantakip iyon sa aking katawan. Saglit akong natigilan nang makita ko siyang half-naked na lumabas mula sa banyo. May nakatapis na tuwalya naman sa kaniyang ibaba pero wala siyang suot na pang-itaas. Basang-basa rin ang kaniyang buhok na pinupunasan niya ng isa pang towel. Hindi ko napigilan ang aking sarili na mapahanga na naman sa kakisigan ng aking asawa.
Sa kakisigan na hindi ko alam kung kailan tuluyang maging akin.
Ako ang unang nagbawi ng tingin nang magtagpo ang mga mata naming dalawa.
“Ano nga ang problema mo at abot hanggang sa banyo ang sigaw mo?” untag sa a
