LYKA
Eight years later…
NAPAHINTO ako sa pagbaba ng hagdan nang malanghap ko mula sa kusina ang amoy ng paboritong French Fries at Cheeseburger ko. Nagmamadali akong tumungo roon dahil bigla akong nakaramdam ng gutom kahit katatapos ko lang namang mag-dinner.
Natigilan na naman ako nang makita ko ang lalaking nakatalikod sa akin at nakaharap sa gas stove. Nakasuot siya ng apron at may hawak na sandok.
Simula nang dumating ako rito sa New York, four years ago, siya na ang naging housemate ko rito sa inuupahan kong apartment sa New York—si FRITZ CAMACHO.
Sabay kaming nag-apply sa isang malaking ospital dito sa New York at parehong pinalad din na makapasa, bilang nurse. Sabay din kaming umalis ni Fritz ng Legazpi, kung saan kami nagkita uli after two years na g-um-raduate kami bilang Nur
