LYKA
DALAWANG linggo na rin akong nagdo-dorm at hindi umuuwi sa bahay. Mabuti na lang at sinamahan ako ni Sue kaya kahit papaano ay hindi ganoon kalungkot sa dormitory dahil hindi ako nag-iisa. Hindi kasi pinayagan sina Celestine at Shantal. Good thing din na kalapit lang namin ang Men’s Dormitory na tinitirhan din ni Fritz. Takot ang mga lalaking loko-lokohin kami nang dahil sa kaniya. Siya rin ang madalas namang mayaya kapag kailangan namin ng lalaking kasama sa mga lakad namin.
Halos araw-araw naman akong dinadalaw nina Nanay at Daddy Arman. Tumigil na rin ang stepfather ko sa pagpilit sa akin na bumalik na sa bahay dahil nag-aalala siya sa akin. Pero tumanggi ako. Hanggang sa pumayag na rin siya katagalan.
Si Stella naman, grounded nga pala siya for one-month dahil sa mga ginawa niy
