المنقذ

"المنقذ" الجزء الثاني

امير شايل السجادة على كتفه و ماشي بيها في الشارع و لغاية ما وصل ل عربية ملاكي كبيرة بيستخدموها شركات الشحن ل نقل البضاعة و فتح شنطتها و حط فيها السجادة و ركب العربية و راح عشان يسلمها في نفس الوقت كان فيه ولد صغير من اولاد الشوارع ماسك شنطة حريمي و بيجري بيها عشان امير اول ما يشوفه يمسكه و يوقفه و يقول له

امير : تعالى هنا .. ايه اللي في ايدك دي ؟

الولد ب ارتباك و عمال يبص حواليه : دي شنطة لاقيتها في الشارع و رايح اسلمها في القسم

امير : بص لي كده .. انا لو شوفتك مرة تانية بتسرق اي حاجة انا اللي هسلمك للقسم ب نفسي .. سمعتني

الولد بيهز راسه ب خوف : حاضر

امير : مفيش سرقة بعد كده انت فاهم لازم عشان ت**ب فلوس تشتغل و تجيبها ب نفسك و ب مجهودك عشان ربنا يباركلك فيها

و فجأة ظهر راجل اسمه "مرزوق" و ضخم كده و وقف ورا امير و هو حس بيه ف قام من قدام الولد و لف له و وقف قدامه

مرزوق : هو انا بتدخل في اللي يخصك ؟

امير : بالله عليك انت مش م**وف من نفسك و انت بتخلي عيال في السن ده ي**قوا و يعملوا الق*ف اللي بتعلمه ليهم ده ؟!

مرزوق بيمسك امير من ياقة الچاكيت : بقولك ايه .. العيال دي انت مالكش دخل بيهم و مشوفكش مرة تانية بتقرب منهم .. انت فاهم ؟ .. اكيد فاهم عشان انت راجل مفتح و دماغك حلوة

و سابه و اخد الولد في أيديه و مشي و امير واقف متغاظ منه و راح شتمه و بعدين راح عند العربية هبد باب الشنطة ب نرفزة عشان يتقفل .. و في مؤسسة شركات ضخمة جدا كانت "اروى" موظفة مهمة جدا فيها بتتكلم في التليفون مع عاميلة و هي بتقول

العاميلة : مراد بيه شايف أن المتحف ده ده هو اكبر واقع عظيم على أرض البلد

اروى : اختياره للمشاركة مع فريق الترميم دي حاجة مشرفة جدا .. مراد بيه موصلش لكل اللي هو فيه ده ولا بقى أغنى راجل في البلد بسبب أعماله الخيرية بس

العاميلة : انا عندي مصادري اللي عرفت من خلالها أنه عنده اهتمامات تانية للمشروع ده

اروى : يبقى مصادرك غير موثوق منها حبيبتي .. مراد بيه بيعتبر المتحف الاثري ده هو المنقذ الوحيد للمدينة اللي احنا عايشين فيها دي و اللي من وجهة نظره أنه عطا له كل حاجة كان محتاجها

على سطح مبنى المؤسسة كانت فيه طيارة هليكوبتر وقفت عليه و نزل منها "مراد" صاحب المؤسسة و "رشدي" السكيرتير الخاص بيه كانت اروى طلعت ل استقباله

مراد أول ما شافها : صباح الخير

اروى : صباح الخير .. ايه اخبار رحلتك يا فندم ؟

مراد ب هزار : السكة كانت زحمة

اروى ب ضحكة و بتدي له الفايل اللي معاها : دي المواضيع اللي حضرتك هتناقشها مع وسائل الإعلام في المناقصة اللي داخلينها .. و باين عليهم ناويين يخلوا المناقصة حماسية و تنافسية في نفس الوقت و كأنها مسابقة

مراد : هايل .. ايه رأيك يا رشدي ؟ تفتكر هنقدر نفوز ب المسابقة دي ؟!

رشدي : ب كل تأكيد يا فندم

و راحوا كلهم على المناقصة و قابلوا الصحفيين اللي جروا على مراد أول ما شافوه عشان يعملوا معاه حوار

مراد : المناقصة دي اتعملت عشان تبين لنا أن الخيالات و المعجزات ممكن تتحول في يوم ل واقع و تكون حقيقة .. احنا بنجرب حظنا و لو وصلنا للي احنا عايزينه يبقى دي ض*بة الحظ اللي ب كل الثروة اللي انا كونتها خلال مسيرتي المهنية .. و دي مش مجرد تجارة لكن المساعدة في عملية ترميم متحف اثري عظيم زي ده ف دي حاجة في حد ذاتها شرف ليا وانا أتمنى أني انوله و بالمناسبة فيه مقولة شهيرة ل نابليون و اللي هي بتقول "لو كان العالم بلداً واحداً ف ستكون العا**ة اسطنبول"و انا هسمح ل نفسي اني اغير شوية حاجات في المقولة دي و اخليها "لو كان العالم إنساناً ف سيكون قلبه ب التأكيد ذلك المتحف العظيم"

الصحفيين : ميعاد المناقصة قرب جدا يا ترى ايه رأي حضرتك و يا ترى الأمور هتجري ب اي شكل ؟

مراد ل اروى : ايه هو رأينا يا اروى ؟ ياريت تكملي الحوار .. و سابهم و مشي هو و رشدي

مراد : 1500 سنة !! .. المكان ده موجود هنا بقاله 1500 سنة انت فاهم معنى المدة الكبيرة دي ايه

رشدي : اكيد يا فندم

مراد : محاربين عظماء كانوا في المكان ده كل واحد فيهم حارب و كل واحد فيهم كان حاكم لكن ايه اللي حصل وقتها ؟ ايه اللي اتبقى من كل ده ؟ اتبقى الصرح العظيم اللي انت شايفه

اروى خلصت حوارها مع الصحافة و راحت لهم و كان وقتها المنافس الوحيد ل مراد وصل و اللي يبقى اسمه "زاهر"

زاهر : صباح الخير يا مراد

مراد متفاجئ : زاهر الجوهري !

زاهر : مبسوط اني شوفتك هنا و شايف انك انت كمان متحمس للمناقصة

مراد : أيوة اعتقد كده برضه

زاهر : من المؤسف أن أنا و انت بنكون منافسين ل بعض دايما و المشكلة أن أنا واثق من فوزي كالعادة

مراد : مش عارف ارد اقولك ايه ! بس اكيد انا كمان بتمنى ل نفسي الافضل

زاهر ب ابتسامة باردة : يا خسارة هتتمنى بس

و مشي هو و رجالته و مراد و رشدي و اروى واقفين بيبصوا له ب كره و بص مراد ل رشدي باصة مش مفهومة لكن رشدي فهمها و اخد مراد اروى و اتحركوا و فضل رشدي واقف مكانه و هو بيبص على زاهر ب نفس النظرة .. نروح ل امير اللي وصل فندق كبير و دخل و هو شايل السجادة دي على كتفه و طلع غرفة رقم 228 و خبط و هو بيقول

امير : حد موجود .. انا جاي من محل التحف و الانتيكات

الباب اتفتح و كانت واقفة وراه بنت أجنبية جميلة شعرها اسود و بشرتها بيضا جدا و صوتها في منتهى الرقة و على وشها ابتسامة هادية و كان اسمها "اميلي" و بتتكلم عربي م**ر لكن احنا طبعا هنكتب الكلام ب وضوح

اميلي : هاي

امير : هاي

اميلي : شكرا جدا تعبتك معايا

امير ب استغراب : بتتكلمي عربي ؟!

اميلي : شوية .. مامتي اتولدت و عاشت هنا قبل ما تسافر نيويورك

امير : واو .. دي حاجة جميلة اوي .. اتفضلي

اميلي : انا فكراك على فكرة من اليوم اللي رحت فيه الجاليري بتاع باباك

امير ب ضحكة : فعلا

اميلي : ثواني هجيبلك الحساب .. و دخلت هي و امير واقف مستنيها و عينيه جات على الاوضة جوا و شافها في المراية و هي بتجيب الفلوس و لابسة لبس مكشوف جدا و بقى واقف مبحلق فيها و اول ما شافها جاية دور وشه و هي طلعت اديتله الفلوس اللي حطيتها في ظرف

اميلي : اتفضل

امير : شكرا .. انتي هتسافري ؟

اميلي ب ابتسامة : المفروض اتحرك من هنا خلال ساعتين .. و كان نفسي اعمل حاجة مختلفة قبل ما اسافر

امير ب خبث : حاجة زي ايه مثلا ؟!

اميلي و هي بتفتح الباب شوية : زي انك تدخل مثلا !