Pangapat na araw ngayon ni Kier sa hospital pero sabi ng doctor baka next week ay pahintulutan na siya nitong umuwi.
Lulan ako ngayon ng sasakyan ni Daddy papuntang school. Magkatabi kaming dalawang nakaupo sa backseat ng kanyang sasakyan, may sarili itong personal driver si Kuya Kai na personal body guard din niya.
Nasa labas ng bintana ng kotse ang tingin ko habang nilalaro ang mga daliri ko sa kamay. May gusto akong ipakiusap kay daddy ngunit natatakot ako sa magiging reaksyon niya, ngayon pa lang nahahabag na ang puso ko, paniguradong masasaktan ko ang damdamin niya sa nais ko pero wala na akong ibang maisip para matapos yung mga gumugulo sa isip ko gabi-gabi.
"Anak." dahan-dahan akong napalingon kay daddy ng tawagin niya ako, nagkasalubong ang mga mata naming dalawa, nginitian ni
