Natahimik ang kaniyang asawa at nakapamulsa lamang.
"Sa ayaw at sa gusto mo ay dito ako titira. May anak din kami at may karapatan din akong kunin ang dapat ay sa anak ko. Handa akong makihati para sa karapatan ng aking anak," wika ni Angelique.
Napasinghap si Mia. Tama rin naman ito pero sobra naman kung sa isang bubong lang sila titira. Alam na niyang kahit kailan ay hindi makukuha ng buo ang pagmamahal ng asawa pero pati ba naman bahay ay makikihati siya, iyon ay hindi na niya kaya. Saan ito sa kuwarto ng asawa samantalang siya nasa kabilang kuwarto ganoon ba?
Huminga muna ng malalim si Mia saka lumapit sa kaniyang asawang tila nalunok na ang dila dahil ni wala itong kibo.
Mapait ang ngiting binigay rito. "Kung noon ay siya ang nagpapili sa'yo ngayon ako ang gagawa. Mamili ka kung s
