TITA'S NOTE: Hello. Nauna iyong 18. Hindi na puwedeng i-edit. Ito muna ang basahin niyo bago ang 18. Salamat. Baka malito kayo.
DEIMOS
MATAPOS ang isang nakabibinging katahimikan ay biglang tumawa ang Lolo ni Phobos. Nakita ko ang pagbuga nang malalim na hininga ni Kuya Grey na alam kong nag-aalala sa amin. Sina Ate Carla at Tito Carlo ay nagtinginan habang nakangiti sa isa't isa.
"Biro lang, Apo," sambit ni Lolo na nagpagaan sa loob ko. Para akong nabunutan ng tinik.
"So hindi ka against sa amin, Lo?" paninigurado ng kasintahan ko.
"Yes. As long as napapasaya ka niya, mahal niyo ang isa't isa, wala akong magagawa roon at wala rin akong gagawin doon. Magmahalan lang kayo. Tama na iyong paghihigpit na ginawa ko sa Mommy mo. I learned from my mistakes." Tiningnan ni Lolo si Ate Carla.
