DEIMOS
Papasok na kami ng bahay nila Phobos at kasama namin si Kuya Grey. Hiniling kasi ng kasintahan ko sa pinsan niya na kung puwede magpakilala siya kay Ate Carla. Pinagbigyan naman siya nito kahit makikita mo sa mga mata niya ang pangamba na baka malaman ito ng ama niya. Sa pakiramdam ko, gusto niya rin makilala ang Tita niya at ang pamilya nito kaya sumugal siya.
"Kuya, nandito na po tayo sa bahay namin... Pagmamay-ari ito ng pamilya ni Deimos. Tumira lang kami ng libre rito dahil sa liit ng mundo, pinagtapo muli sina Mama at ang magulang niya na matalik na magkaibigan pala noon..."
Tiningnan ko naman si Kuya Grey kung interesado ba siyang makinig sa kinukuwento ng kasintahan ko. Pero napangiti naman ako nang makita ang pagkamangha niya.
"What a small world... There's always a rea
