Seryoso lamang akong nakatingin sa anim na lalaking nasa harapan namin, habang nakatutok ang baril nila sa amin. Hinihintay namin kung ano ang gagawin nila sa amin.
"Mas maganda siguro kung dalhin natin sila kay boss Homer. Mukha silang hindi mapagkakatiwalaan!" galit na sabi ng lalaking mahaba ang buhok.
"Miss Tam, umalis ka na. Kami na ang bahala rito..." pabulong na sabi sa akin ni Zero.
Hindi ako nagsalita. Kahit gustuhin ko mang umalis ay alam kong hindi ako hahayaan na paalisin ng mga lalaking ito. Subalit bigla akong napatingin kina Zero at sa iba ko pang tauhan. At nakita kong nakikipaglaban na sila.
Palagay naman ang loob ko na kayang-kaya nina Zero ang mga kalaban. Kailangan ko na ring umalis dahil may isang tao pa akong dapat kausapin ngayon araw.
Hanggang sa humakban na
