(TAMARA'S POV)
HALOS liparin ko ang daan, makalayo lamang kay Tikbalang. Lintik! Mukhang nahalata o nakilala pa yata ako ng lalaking iyon. Nakakainis naman, oh! Lagot talaga ako nito oras na maabutan ako.
"Tabi-tabi! Manganganak na ako!"sigaw ko sa mga taong mababangga ko. Maliksi naman silang tumabi para mabigyan ako ng daan.
"May manganganak bang tumatakbo pa?" narinig kong pasaring ng isang babae.
"Oo, ako! Kaya huwag kang aangal diyan. At baka hindi lumabas ang baby ko!" baliw na sagot ko sa babae. Mabilis naman akong nagtago sa likuran ng isang truck. Ngunit nagdesisyon na rin akong pumunta sa ilalim para mas safe ako na hindi ako makikita ni Tikbalang.
"s**t! Na saan na ang babaeng iyon?!" narinig ko ang boses ni Stanley. Kaya mas naikuyom ko ang aking bibig upang hindi makali
