"Ibalik? Nagpapatawa ka ba, babae? Saka, bakit ko gagawin iyon? Nasiyahan ka naman, Miss Gally. Panay pa nga ang tawag mo ng langit," baliw na sagot nito sa akin. Subalit mas inilapit pa nito sa aking ang kanyang mukha. Magkakasunod tuloy akong napalunok ng laway. Pakiramdam ko'y may naghahabulang daga sa loob ng dibdib ko.
"Lumayo ka sa akin!" mariing sabi ko sa lalaking kaharap ko. Kaya lang ay bingi ang lalaki.
"Hmmm! Baka naman nakulangan ka pa, Miss Gally? Puwede nating ulitin ang ginawa natin kagabi? At titiyakin kong mas masasarapan ka pang lalo. At alam ko ring hahanap-hanapin mo ang ginawa ko sa 'yo..." bulong sa akin ni Tikbalang.
Hanggang mas inilapit pa nga nito ang kanyang labi sa aking mukha. Kaya naman damang-dama ko ang init ng hininga ng lalaki. Isabay pa ang mabangong
