KINAGABIHAN sa Hell Dormitory, mapapansin na mabilis na umalis sina Freya, Enma at Luke sa harapan ng hapag-kainan. Nakapagsabi na sila kay Leonora na magsasanay sila para sa paghahanda nila sa gaganaping Tagisan sa isang linggo. Tanging si Beazt lang ang hindi nagsabi sa apat, pero alam na ng matanda iyon. Kilala na niya si Beazt na kasalukuyang kumakain pa rin.
Napatingin ang matanda sa binata. Alam na rin niya ang magiging laban nito kay Legend bukas. Hinamon niya ito at ipinusta ang kanyang posisyon sa Tagisan.
Kilala rin ni Leonora si Legend, malakas ito at sa pagsisimula nito sa paaralan ay nakitaan na niya ito ng potensyal. Nagkataon nga lang na natuon ang pansin ng lahat sa ilang kaklase nito na tanyag ang mga magulang.
“Beazt, paano mo tatalunin si Legend?” seryosong t
