GA-HIBLA na ng buhok ang pagitan ng malaking kamay ng nagpalit-anyong si Legend at ng katawan ni Beazt. Tatamaan na sana siya noon subalit biglang nakita ng binata ang atakeng iyon bago pa man iyon tumama sa kanya. Kusang nag-react ang katawan ni Beazt na mabilis na dumapa at gumulong palayo.
Ang malakas na hangin ay mabilis na kumawala dahil sa malakas na hampas na iyon ni Legend. Naramdaman din iyon ng mga nasa harapan nila at patunay iyon na malakas ang atakeng iyon.
Napangisi si Legend nang makaiwas si Beazt. Hindi niya alam kung paano, pero mabilis niya itong hinanap at nakita niyang gumulong ito pakaliwa. Mabilis niya ngang tinalon iyon.
“Magaling... pero tingnan ko kung makakaiwas ka pa rito,” bulalas ni Legend na nasa ere na, sa tapat ng nakahiga pa ring si Beazt.
N
