WALONG fourth years, tig-dalawa naman mula sa second years at third years, at ang apat ay nagmula sa first years. Ito ang nasa listahan ng mga napili para sa gaganaping Tagisan sa taong ito.
Nakaramdam ng panghihinayang si Speed matapos makita iyon sapagkat hindi siya napasama, ngunit bigla siyang natuwa nang makita ang pangalan ni Beazt sa listahan. Ang mga nasa paligid nila ay nagulat nang hindi inaasahan dahil sa bigla niyang pagsasalita nang malakas.
“Nakapasok si Beazt! Yes!” malakas na wika ni Speed na masayang-masaya dahil dito. Napangiti naman sina Claude, Shilva at Odessa na nasa tabi nito. Masaya rin sila para sa pagpasok ng kanilang kaibigan.
Si Enma, napakuyom naman ng kamao dahil napasama siya sa mga napili. Tinapik din niya ang balikat ng kanyang kapatid na si Mir
