“BEAZT, ayaw mo bang lumabas ng gubat? Alam mo bang marami kang makikilala sa labas,” wika ni Speed sa kanyang kaibigang si Beazt na kasalukuyang nakabitin sa isang sanga ng puno at doon ito’y paulit-ulit na nagtataas-baba para palakasin ang mga bisig nito.
“Marami kang makikilala sa labas... Malay mo, makakilala ka ng mga kaibigan? Ayaw mo bang bukod sa akin, may iba ka pang magiging kaibigan,” dagdag pa ni Speed na mabilis namang bumaba mula sa sanga ng puno na kinauupuan niya.
“Mahirap mapag-isa Beazt, kapag umaalis ako sa gubat... okay lang sa iyo na wala kang kasama? Okay lang rin naman na mga hayop ang kasama mo, pero iba pa rin kapag tao.”
Hindi naman sumasagot si Beazt, pero kahit na patuloy siya sa pagpapalakas ay pinapakinggan naman niya ang sinasabi ng kanyang kaibig
