NAKIPAGSABAYAN si Beazt sa lakas na tinataglay ng malakas na hari ng kagubatan. Mararamdaman nga sa paligid ang malakas na pwersang kumakawala sa bawat suntok na ibinibigay nila sa isa’t isa. Makikita rin ang salitan at minsan ay sunod-sunod na pagbulwak ng malalakas na hangin sa paligid. Ang kagubatan ay paminsan-minsan ding yumayanig tuwing sabay silang lumalapag sa lupa.
“Malakas ka nga talaga at natutuwa akong makaranas ng ganitong laban,” nakangising winika ng hari matapos silang sabay na lumapag muli sa lupa. Makikita sa mga mata ng hari ang kaseryosohan nito at kalmado pa rin nitong pinagmamasdan ang kalabang binata.
“Pero mukhang napapagod ka na sa pagsabay sa lakas binata...” dagdag pa niya na mas ikinangisi niya lalo. Napansin niya ito matapos ang ilang minuto nilang pagp
