Ikinurap-kurap ko na doon ang aking mga mata, pilit na inaalo ang sariling hindi ko maintindihan kung bakit ngayon ay bigla na lang naging ma-drama. Kanina naman ay okay pa ako habang patungo dito, hindi ko lang talaga mapigilang lamunin ng panliliit ang aking sarili lalo pa at isinasampal na iyon sa akin ng buong paligid. Dapat ay na-master ko na rin iyon, kagaya na lang ng ginagawa kong pagiging manhid habang nagsasayaw sa loob ng club sa tulong ng alak. Hindi na ako nakakaramdam ng kahit na anong sakit o kahihiyan dahil iniisip kong trabaho lang naman iyon. Hindi ko nga alam kung paano ko nakayanang pagtiisan iyon at tikisin ang aking sarili nang ganun katagal. Lalo na siguro akong madudurog kapag may sumampal pa sa akin at ipinamukha ang katotohanang hindi kami bagay na dalawa ni Vins
