Umayos na ako ng upo doon, pinigilan ang mapangiwi sa agarang pananakit ng balakang dahil natatakot akong baka makita iyon ni Boss at tanungin pa ako kung bakit, malamang ay mapipilitan na naman akong magsinungaling sa kanya nito. Walang imik na kinuha ko ang seatbelt habang ang mga mata ay nakasunod pa rin sa bulto ng kanyang katawan na kasalukuyang umiikot na sa sasakyan upang magtungo sa driver seat nito. Buong buhay ko ay ito pa lang ang unang beses na makakalulan ako sa ganito kamahal at kabangong sasakyan kung kaya naman ay hindi ko na mapigilan ang mas lumakas pa ang kalabog ng aking puso. Hindi ko alam kung natatae o naiihi na rin ako ngayon, basta ang alam ko lang ay hindi na ako mapalagay sa hindi ko malamang dahilan. Lumala pa iyon nang pumasok na siya sa loob ng sasakyan at mau
