Bahagyang bumagal na ang kanyang sasakyan sa aking sunod-sunod na mga katanungan na nilakipan ko pa ng aking mga titig na puno na ng pagtataka. Ilang sandali pa ay nilingon niya na ako nang pahapyaw gamit ang kanyang mga matang kumikinang sa saya. Saglit na naghinang ang aming mga mata. Panandalian lang iyon dahil muli niyang ibinalik iyon sa daan makaraan ang ilang sandali na tila ba napaso siya sa aking mga titig sa kanya. Mabilis na rin akong umiwas. Agaran na ang naramdamang hiya. Tumango-tango siya sa akin kaya naman lalo akong naguluhan sa nais niyang ipabatid sa akin. Hindi malaman kung sagot niya ba iyon sa aking tanong o ano. At bago pa ako muling makapagtanong sa kanya ay nagsalita na siya upang ipaabot sa akin ang kasagutan niya doon.
“Oo sa kabilang bayan nga iyon, Senda. Sa M
