Walden's POV
“Iwan mo muna kami ni Justin, Jelsea. Go somewhere else, pumunta ka muna sa pool o kaya sa garden,” utos ko kay Jelsea nang dumating na si Justin. Siya lang ang inaasahan ko na bisita ngayong araw. Wala siyang kasama na umakyat dito sa kwarto ko, malamang naiwan sa may sala ang kaniyang mga bodyguard o baka roon na lang sila sa kaniyang sasakyan maghihintay. Hindi naman kami magtatagal sa pag-uusap. May gusto lang akong iklaro sa kaniya na alam kong gusto rin niyang iklaro sa akin noon pa mang nakaraan.
Nakita ko sa sulok ng mga mata ko na hinatid siya ni Jelsea patungo kung saan ay nakaupo ako at may hawak na cellphone. Kakatapos lang kasi naming mag-usap ni Kor kaya hawak ko ang aking aparato. Wala pa ring magandang balita tungkol sa imbestigasyon sa kinasangkutan kong aks
