Jelsea's POV
Sa may likod ng manor ni Master Walden ako humantong. Sa kwadra, kung saan ay makikita ang lahat ng klase ng hayop na kumakain ng damo. May kabayo, baka, kambing, tupa, toro at kung ano-ano pang hayop na hindi ako pamilyar dahil ngayon ko lang nakita.
Nagsasawa na kasi ako sa view ng pool at garden. Kaya naisip kong maglibot dito sa likod para maiba naman ang nakikita ng mga mata ko. Saglit lang naman ako rito. Babalik din ako sa harap dahil baka mabilis na matapos ang pag-uusap nila ni Dr. Justin ay ipatawag niya agad ako.
Sana magtagal muna sila sa pag-uusap. Gusto ko munang lumayo sa kaniya kahit na isang oras lang. Gusto kong mapag-isa, mag-isip at analisahin ang nararamdaman ng puso ko na hindi ko maintindihan.
Dahil sa halik na pinadama niya sa akin ng araw na iyon,
