HINDI PAAWAT SA pagtulo ang mga luha ko. Hindi ko alam kung kailan ako titigil sa pag-iyak. Mamaya ba, bukas o baka hindi na? Mariin kong ipinikit ang mga mata. Pinipilit kong huwag humikbi dahil natatakot akong baka may makarinig sa akin kahit nag-iisa ako sa kuwarto.
Iñaki was the worst. He was the worst! Gusto ko siyang sampalin at sigawan. Ngayon lamang ako nagalit nang sobra sa kanya. Hindi ko lubos akalain na gagawin niya sa akin ito. Nirereto niya ako kay Jared. Nirereto!
Kailangan pa ba talaga niyang gawin iyon? Kailangan ko ba iyon? Ang sakit-sakit na nga na hindi niya ako mahal sa gusto kong paraan, ipinamimigay pa niya ako na parang gamit sa iba!
Gusto kong tanungin ang Diyos kung kailan ba ako magtitiis. Hirap na hirap na ako. Lasog-lasog na ang puso ko.
Ayoko na!
Nasa gan
