Mahigit isang oras ang biyahe nila Patty at Theo bago makarating ng Pavilion mall. Malayo rin naman ang Marikina hanggang Edsa dagdagan pa ng traffic.
Pagdating ng parking area mabilis na nagpaalam si Patrish Jhane kay Theo subalit ano pa nga ba ang aasahan sa makulit na binata talagang inihatid pa si Patty sa grocery store na pinapasukan ng dalaga.
"Bye baby, see you later," paalam nito kay Patrish ng nasa tapat na sila ng grocery store. Hindi nito inantay na sumagot si Patrish at kaagad itong tumalikod paalis sa harapan ng dalaga.
"Aba't bastos to ah!" nasambit na lamang ni Patrish Jhane habang sinusundan ng tanaw ang nakatalikod nang binata.
"Hello Kuya kumusta po," bati muna ni Patrish sa guwardiya na nakabantay sa pinto ng grocery store bago tumungo sa locker room upang magbihis.
