Agad na siyang nagpaalam sa Mommy niya nang makatanggap ng text message mula kay Angelo na nasa labas na ito ng gate ng Villa.
"Sinong kasama mong pupunta sa mall?" Usisa ng Mommy niya nang magpaalam na may bibilhin sa mall.
"Ah.. Mommy, si Georgina po," pagsisinungaling niya. Hindi kasi maniniwala ang Mommy niya kung sasabihin niyang siya lang mag isa nag tutungo sa mall, hindi naman kasi niya kabisado ang San Sebastian.
"Mag ingat kayo, enjoy," nakangiting sabi pa sa kanya ng ina.
"Opo Mommy," tugon niya at nagmamadali ng lumabas ng Villa.
Pumayag na siyang makipagkita kay Angelo para malaman na niya kung ano ba ang dapat niyang gawin. Sa makalawa na ang engagement party nila Grey. Kung may tututol sa kanila ni Grey ay dapat gawin na nila ngayon, para hindi na lang masayang pa ang
