Kinagabihan dumating na ang pinakahihintay ng lahat, ang engagement party nila ni Grey. Pero hindi siya kabilang sa mga naghihintay sa gabing ito, para sa kanyang isang kalokohan lang ang gabing ito, dahil alam naman ng lahat na tutol sila ni Grey sa kasalang ito.
Matapos silang mamili ni Georgina kanina ng mga kailangan niya para sa gabing ito nagtuloy sila ni Georgina sa Saavedra Hotel kung saan daw gaganapin ang engagement party nila ni Grey, doon na rin siya inayusan ni Georgina kasama ang isang team na nag-aayos sa mga kilalang celebrity at model. Walang duda na kayang-kayang ilabas ng mga ito ang kanyang ganda na hindi makita-kita ni Grey.
Medyo weird nga ang kinikilos ni Grey ngayon, dahil kung anu-anong nonsense ang mga sinasabi nito sa kanya, samantalang alam naman niyang wala
