"Bakit mo na naman ako dinadala rito sa penthouse mo?" Galit na tanong sa kanya ni Esha nang makarating na sila sa building at makasakay sa elevator.
Mabuti na lang at naabutan pa niya kanina si Esha na kasama si Angelo sa coffee na iyon. Kaya naman niya nalaman na naroon ang dalawa dahil tinawagan siya ni Angelo para sabihin na pumayag daw makipagkita si Esha rito. Wala naman kasing kamalay-malay si Angelo na binabawi na niya ang pagtulong rito, hindi na niya nais pang tulungan ito na magkabalikan ito at si Esha. Kaya naman sinabi lahat sa kanya ni Angelo ang pag-uusapan nito at ni Esha, binanggit din sa kanya ni Angelo kung saan magkikita ang dalawa, kaya nasundan niya agad ang mga ito.
Sadyang hindi lang niya nagustuhan nang madatnang tila masaya ang dalawa, kaya uminit ang kanyang ul
