Chapter 25
Lander
Halos tatlong buwan ng patay si Angela. At kalalabas lang ni Daddy sa hospital dahil inatake siya sa puso nang malaman niyang wala na ang kapatid ko. Pina-cremate namin ang katawan ni Angela. Halos hindi ko makausap si Daddy dahil nakatulala lang siya at umiiyak. Sinisisi ang sarili kung bakit nawala sa buhay namin si Angela.
Kumuha ako ng nurse upang may mag-alaga kay Daddy kapag nasa trabaho ako. At habang inaasikaso ko ang kaniyang mga ari-arian. Pansamantala ko muna siyang iniwan at bisitahin ang bahay ng kapatid ko sa Tagaytay. Simula nang mamatay si Angela, hindi pa ako nakapunta sa bahay niya dahil hindi ko kaya makita ang mga gamit ng kapatid ko. Subalit ngayon kailangan kong asikasuhin ang mga naiwan niya. Hawak ko ang blue print na ginawa ko para sa resort n
