Chapter 22
ANGELA
Walang hiyang Berdugo na ‘yon! Inilublob ako sa putikan na may dumi ng mga hayop? Ewan ko ba kung bakit naisipan ko na pulutin ang tae ng baka at ibato sa kaniya? Nainis kasi ako sa kaniya dahil tinatanong niya pa ang nangyari sa amin. Saka naghalo-halo na rin ang mga iniisip ko, kaya lalo akong nainis sa kaniya. Mabuti na lang dumating si Manang Ester, kaya inahon niya ako sa putikan.
“Anthony, ano ba ang nangyari at nariyan si Angela sa lusak?’’ tanong ni Manang Ester sa kaniyang anak at mabilis na ibinaba ang mga dala niya.
Pakamot-kamot pa ng ulo si Anthony nang sumagot ito sa kaniyang ina. “Eh kasi Ma, binato niya si Kuya ng dumi ng baka, kaya nagalit sa kaniya. Ayan tuloy nariyan siya sa putikan.”
“Sos Ginoo. Hali ka at tulungan mo ako na maiahon siya riyan. Ka
