HAPPY
“MA’AM, nakalimutan n’yo po ang sukli n’yo,” untag sa akin ng boses babae mula sa aking likuran, dahilan para mapalingon ako at maalis ang tingin ko kay Jeffrey.
Ang tinderang pinagbilhan ko ng bottled water kanina ang sumalubong sa pagbaling ko. Inaabot niya sa akin ang perang sinasabi niyang sukli ko. Nakangiti na tinanggap ko ito. “Thank you.”
“Walang ano man.” Pagkangiti niya sa akin ay agad din siyang bumalik sa tindahan niya.
Nang mawala sa paningin ko ang tindera ay saka ko lang naalala si Jeffrey. Mabilis akong bumaling sa kinaroroonan niya kanina. Pero dismayado ako nang hindi ko na siya nakita. Palinga-linga ako sa paligid. Sinuyod ko ng tingin ang bawat sulok na naaabot ng mga mata ko ngunit hindi ko siya makita. Imposible naman na mawala siya agad gayong halos kababab
