HAPPY
TATLONG araw pa ang lumipas at tatlong beses na kaming sabay na naliligo ni Ray. At tatlong ulit na rin akong nabigo na pasukuin siya. Ang tibay talaga niya sa tukso. Hindi nga ako makapaniwala dahil ako pa ang madalas na muntik nang bumigay.
Kagabi, sa bahay naman niya kami nagsabay. Tinulungan ko kasi siyang maglaba ng mga kurtina at tinupi na rin namin kinagabihan. Hindi na siya nakapunta sa laundry shop dahil tinulungan din niya akong ayusin ang garden sa likod ng bahay. Nagtanim kasi ako ng ilang klase ng gulay para hindi masayang ang bakanteng lote.
Kahit tinulungan ako ni Ray, halos ako pa rin naman ang gumawa. Napansin ko kasi na hindi siya sanay sa mahihirap na gawain. Hinapo nga siya agad nang pagbungkalin ko siya ng lupa. Biniro ko tuloy siya kung paano siya naging meka
