CHAPTER 17
UNACCEPTABLE
“ HAYAAN mo, Pamela, ire-report ko sa iyo lahat ng ginagawa ni Sir Jethro sa opisina. Wala akong palalagpasing detalye. Kahit pa pag-ihi nito, malalaman mo. ”
Parang estudyanteng nanunumpa sa harap ng watawat ng Pilipinas si Miya habang binibigkas ang mga pangako sa kaibigan.
“ Tumigil ka nga, Miya. Ang trabaho mo ang asikasuhin mo sa opisina ni Jethro. Huwag ang pakialaman ang mga kilos niya, kung gusto mong magtagal sa kompanya niya, ” paalala rito ni Pamela.
Sa tulong ni Jethro ay makakapagtrabaho na si Miya sa Montreal Realty. Matagal na itong pangarap ng kaibigan simula makapagtapos ng pag-aaral sa probinsya. Kinuha ito ni Jethro bilang Leasing Agent ng Montreal Realty.
Ang totoo ay nahihiya siya sa binata dahil sa pagtanggap at pagtulong nito sa kai
