CHAPTER 16
MIYA
ABALA si Pamela sa pagwawalis sa harap ng gate ng mansion nang may tumigil na tricycle. Mula roon ay bumaba ang isang babaeng pamilyar na pamilyar sa kaniya.
“ Pamela! ” tili ng babae nang mamataan siya.
Napaawang ang mga labi ng gulat na dalaga.
“ Miya? ” bulalas niya. Hindi siya makapaniwalang nasa harap niya ang kaibigan.
" Akala ko nakalimutan mo na ako. Hindi mo ba ako sasalubungin? "
Sinalubong niya ang kaibigan at dinamba ng mahigpit ng yakap.
" AKALA ko hindi ko na mahahanap itong palasyo ninyo lalo na at hindi naman nila kilala ang Pamela dito. "
Mahina siyang natawa habang ginagawa ang sandwiches para sa meryenda.
" Mabuti at nabanggit ko si Tate noong nagtanong ako sa labas. "
" Lagi kasi siyang sinasama ni Jethro sa labas-- "
" Itong si Jethro b
