CHAPTER 18
NANGINGITI habang pinapakinggan ni Pamela ang masayang tawa ng anak. Nasa pavilion ito, kalaro ng tagu-taguan ang kapitbahay nilang batang si Trisha.
Nagluto siya ng ginataang bilo-bilo para dalawa. Alam niyang gustong-gusto iyon ni Trisha. Kapag umuuwi nga raw ito ay ibinibida nito sa ina na magaling siyang magluto. Kilala na niya si Teresa, ang ina ni Trisha dahil sa pagiging magkaibigan ng mga anak nila.
Minsan ay tumakas si Trisha para makipagkilala sa batang lalaki na nagdidilig ng halaman sa hardin. Natatanaw nito si Tate mula sa terrace ng bahay ng mga ito. Doon nila unang nakilala si Trisha.
Ayon kay Teresa, hindi raw palalabas na bata si Trisha. Kaya nagtaka raw ito nang ang anak mismo ang lumapit at nakipagkilala sa kaniyang anak. Pero ikinatuwa iyon ni Tere
