CHAPTER 15
DANDELION
NANGINGITI si Pamela habang pinagmamasdan si Tate na nagdidilig ng mga halaman sa hardin. Ito ang trabaho nilang mag-ina tuwing walang klase ang bata. Araw ng Sabado at ang pag-aasikaso ng mga halaman sa hardin ang bonding nilang mag-ina.
“ Mama, hindi ba at ito ang paborito mong bulaklak? ”
Lumapit sa kaniya si Tate, dala ang pinitas na bulaklak ng Dandelion. Inabot niya ang bulaklak mula sa anak.
“ Oo, anak. Hindi ba't kakaiba ito sa lahat ng bulaklak sa hardin? ”
Kumunot ang noo ng bata. Tila ba may hindi maintindihan. Mahina siyang tumawa. Ang bata-bata pa nito pero mukhang may edad na dahil sa facial expression nitong iyon. Napailing siya nang maalala si Jethro. Parehong-pareho ito ng facial expression sa kanilang anak. Napapansin niya iyon tuwing tiniti
